मानवसेवा आश्रमद्वारा जेष्ठ नागरिकहरूलाई सम्मान

मिसन २०८२

गृहपृष्ठ
मिसन २०८२

मानवसेवा आश्रमद्वारा जेष्ठ नागरिकहरूलाई सम्मान

मानवसेवा संवाददाता बिहीबार, माघ २४, २०८१

धनगढी । मानवसेवा आश्रमले महायज्ञकाे अवसर पारी धनगढी क्षेत्रमा रहनुभएका जेष्ठ नागरिकहरूलाई सम्मान गरेकाे छ । महायज्ञकाे दाेस्राे दिन बिहीबार महयज्ञस्थलमा सहभागी गराउँदै धनगढीका ८० वर्षभन्दा माथिका जेष्ठ नागरिकहरूलाई आश्रमद्वारा सम्मान प्रदान गरिएकाे हाे । आश्रमले जेष्ठ नागरिककाे सम्मान गर्दै महायज्ञमा प्रमाण-पत्र खाँदा मालासहित सम्मान गरेकाे हाे ।

धनगढी उपमहानगरपालिका- ५ निवासी हरिनादेवी भट्ट, हाेमनाथ जाेशी, खिमादेवी जाेशी, धनगढी उपमहानगरपालिका- ५ टिकादेवी दाहाल, लिलादेवी रञ्जितकार, कृष्णादेवी शाही, खुसीराम चाैधरी, हर्कबहादुर जाेशी, धनादेवी पाण्डे, भागीरथी देवी,अनन्तमाया निराैला, पार्वती जाेशी, काशीराम सुनार, नारायण बाँनिया, कालीप्रसाद चाैधरी, रम्भादेवी पाण्डेय, धनबहादुर कुँवर, जगत्तरी चााैधरी लगायत ३० जनाभन्दा बढी जेष्ठ नागरिकहरूलाई आश्रमले सम्मान गरेकाे छ ।

मानवसेवा आश्रमले धनगढी शाखाकाे भवन निर्माण गरी सेवाको स्थायित्व प्रदान गर्नका लागि श्रीमद् भागवत सप्ताह ज्ञानविज्ञान महायज्ञको आयोजना गरेकाे हाे । हिजाेदेखि सुरू भएकाे महायज्ञ पशुपति टोलमा (सुदूरपश्चिम महोत्सव हुने) माघ ३० गतेसम्म सञ्चालन हुनेछ ।

प्रकाशित मिति: बिहीबार, माघ २४, २०८१ १७:१८

प्रतिक्रिया दिनुहोस्