झापा । मानवसेवा आश्रम झापा शाखामा झापा जिल्ला हल्दिबारि गाउँपालिकाका अध्यक्ष रवीन्द्र प्रसाद लिङ्देल, हल्दिबारि गाउँपालिकाका १ का अध्यक्ष देवी बहादुर थापा, वडा सदस्य प्रकाश कार्की, गाउँपालिकाका इन्जिनियर संकल्प खनाल लगायतले आश्रम अवलोकन गर्नु भएको छ । अवलोकनको क्रममा पालिका अध्यक्षहरूले आश्रमको व्यवस्थापन कार्यको प्रशंसा गर्नु भयो । उहाँहरूले आगामी दिनमा मानव सेवा आश्रम झापाका लागि सदैव आफूहरूको अभिभावकत्व रहने प्रतिबद्धता व्यक्त गर्नु भयो ।
मानवसेवा आश्रम खुला आकाशमुनि सडक पेटी एवं सार्वजनिक स्थलहरूमा कष्टपूर्ण जीवनयापन गर्न विवश सहयोगापेक्षी, बेसहारा, असहाय, अशक्त, अभिभावकविहीन, शारीरिक तथा मानसिकरुपमा कमजोर मानवहरूको उद्धार, उपचार, पालनपोषण, संरक्षण एवं पारिवारिक पुनर्मिलनको सेवामा समर्पित छ । आश्रम वि.सं. २०६९ साल भाद्र १३ गते मुख्य कार्यालय मकवानपुर, हेटौँडाबाट औपचारिक रूपमा सेवा शुभारम्भ भएको हो ।
यस आश्रमले वि.सं. २०८२ सालभित्र स्वयं आफ्नो लागि आफै केही गर्न नसक्ने अवस्थामा रहेका, हेरचाह र पालनपोषण गरिदिने समेत कोही नभएका सहयोगापेक्षी (बेसहारा, असहाय, अशक्त, अभिभावकविहीन, मानसिक तथा शारीरिकरुपमा अति कमजोर) सडकआश्रित मानवमुक्त राष्ट्र नेपाल निर्माण गर्ने, घोषणा गरेको छ । घोषणा पश्चातको कार्यान्वयनलाई प्रभावकारी बनाउने संकल्प सहित हाल सात प्रदेशको २० जिल्लामा २६ ओटा सेवा केन्द्रहरूमार्फत ७७ ओटै जिल्लाका सहयोगापेक्षी सडकआश्रित मानवहरूको उद्धार र तिनीहरूको मानवोचित व्यवस्थापन गर्दै आइरहेको छ ।
-1733467692.jpg)
