कास्की - मानवसेवा आश्रम शाखा कार्यालय कास्की पोखरा हेम्जा सेवाकेन्द्रले थप १ जना सहयोगापेक्षी सडक आश्रित मानवको उद्धार गरेको छ । उद्धार हुनेमा स्याङ्जाका मेखबहादुर गुरुङ रहेका छन् । सडकपेटीमा अलपत्र अवस्थामा भेटिएका उनलाई प्रहरीको सहयोगमा उद्धार गरिएको मानवसेवा आश्रम हेम्जा सेवाकेन्द्रले जनाएको छ । उहाँको परिवारको खोजी भइरहेको छ । परिवार सम्पर्कमा नआएसम्मका लागि उहाँलाई हेम्जा सेवाकेन्द्रमा आश्रय दिइएको छ ।
मानवसेवा आश्रम खुला आकाशमुनि सडक पेटी एवं सार्वजनिक स्थलहरूमा कष्टपूर्ण जीवनयापन गर्न विवश सहयोगापेक्षी, बेसहारा, असहाय, अशक्त, अभिभावकविहीन, शारीरिक तथा मानसिकरुपमा कमजोर मानवहरूको उद्धार, उपचार, पालनपोषण, संरक्षण एवं पारिवारिक पुनर्मिलनको सेवामा समर्पित छ । आश्रम वि.सं. २०६९ साल भाद्र १३ गते मुख्य कार्यालय मकवानपुर, हेटौँडाबाट औपचारिक रूपमा सेवा शुभारम्भ भएको हो ।
आश्रमले वि.सं. २०८२ सालभित्र स्वयं आफ्नो लागि आफै केही गर्न नसक्ने अवस्थामा रहेका, हेरचाह र पालनपोषण गरिदिने समेत कोही नभएका सहयोगापेक्षी (बेसहारा, असहाय, अशक्त, अभिभावकविहीन, मानसिक तथा शारीरिकरुपमा अति कमजोर) सडकआश्रित मानवमुक्त राष्ट्र नेपाल निर्माण गर्ने, घोषणा गरेको छ । घोषणा पश्चातको कार्यान्वयनलाई प्रभावकारी बनाउने संकल्प सहित हाल सात प्रदेशको २० जिल्लामा २६ ओटा सेवा केन्द्रहरूमार्फत ७७ ओटै जिल्ला रविदेशमा बेलायट, कतार, अष्ट्रेलियामा सहयोगापेक्षी सडकआश्रित मानवहरूको उद्धार र तिनीहरूको मानवोचित व्यवस्थापन गर्दै आइरहेको छ ।
-1733467692.jpg)
