मेघनाथ तालिम शिक्षालय र श्री नं २ युद्ध कवच गुल्मद्वारा आश्रमको धनुषा सेवाकेन्द्रमा भोजन सेवा योगदान

सहयोग

गृहपृष्ठ
सहयोग

मेघनाथ तालिम शिक्षालय र श्री नं २ युद्ध कवच गुल्मद्वारा आश्रमको धनुषा सेवाकेन्द्रमा भोजन सेवा योगदान

मानवसेवा संवाददाता बुधबार, पुस १७, २०८१

धनुषा । श्री मेघनाथ तालिम शिक्षालय धनुषा धारापानी र श्री नं २ युद्ध कवच गुल्म बर्दिबास सैनिक शिविर महोत्तरीद्वारा धनुषा मानवसेवा आश्रमको सेवाकेन्द्रमा आश्रित सहयोगापेक्षी मानवहरूका लागि भोजन सेवा योगदान गर्नु भएको छ ।

dhanusha-(7)-1735709148.jpg

उहाँहरू स्वयमले भोजन तयार गरी आश्रितहरूलाई भोजन सेवा योगदान गर्नु भएको हो । भोजन सेवामा श्री मेघनाथ तालिम शिक्षालय धनुषा धारा पानीका शिक्षा अधिकृत प्रमुख सेनानी जय सन समसेर जबरा र श्री नं २ युद्ध कवच गुल्म बर्दिबास सैनिक शिविर महोत्तरीका गुल्म पति सेनानी पुष्कर विष्ट लगायतको टोली सहभागी हुनु भएको थियो । मानवसेवा आश्रमले भोजन सेवा योगदान गर्नुहुने दुवै दाताप्रति आभार व्यक्त गरेको छ ।

dhanusha-(4)-1735709146.jpg

मानवसेवा आश्रम खुला आकाशमुनि सडक पेटी एवं सार्वजनिक स्थलहरूमा कष्टपूर्ण जीवनयापन गर्न विवश सहयोगापेक्षी, बेसहारा, असहाय, अशक्त, अभिभावकविहीन, शारीरिक तथा मानसिकरुपमा कमजोर मानवहरूको उद्धार, उपचार, पालनपोषण, संरक्षण एवं पारिवारिक पुनर्मिलनको सेवामा समर्पित छ । आश्रम वि.सं. २०६९ साल भाद्र १३ गते मुख्य कार्यालय मकवानपुर, हेटौँडाबाट औपचारिक रूपमा सेवा शुभारम्भ भएको हो ।

dhanusha-(5)-1735709146.jpg

आश्रमले वि.सं. २०८२ सालभित्र स्वयं आफ्नो लागि आफै केही गर्न नसक्ने अवस्थामा रहेका, हेरचाह र पालनपोषण गरिदिने समेत कोही नभएका सहयोगापेक्षी (बेसहारा, असहाय, अशक्त, अभिभावकविहीन, मानसिक तथा शारीरिकरुपमा अति कमजोर) सडकआश्रित मानवमुक्त राष्ट्र नेपाल निर्माण गर्ने, घोषणा गरेको छ । घोषणा पश्चातको कार्यान्वयनलाई प्रभावकारी बनाउने संकल्प सहित हाल सात प्रदेशको १९ जिल्लामा २५ ओटा सेवा केन्द्रहरूमार्फत ७७ ओटै जिल्लाका सहयोगापेक्षी सडकआश्रित मानवहरूको उद्धार र तिनीहरूको मानवोचित व्यवस्थापन गर्दै आइरहेको छ ।

प्रकाशित मिति: बुधबार, पुस १७, २०८१ ११:१२

प्रतिक्रिया दिनुहोस्