मानवसेवा आश्रम जनकपुरधाम सेवाकेन्द्रको भवन मधेस प्रदेश सरकारले निर्माण गर्नेछः मन्त्री यादव

भवन निर्माण

गृहपृष्ठ
भवन निर्माण

मानवसेवा आश्रम जनकपुरधाम सेवाकेन्द्रको भवन मधेस प्रदेश सरकारले निर्माण गर्नेछः मन्त्री यादव

मानवसेवा संवाददाता बिहीबार, पुस ११, २०८१

धनुषा । मानवसेवा आश्रम जनकपुरधाम धनुषा सेवाकेन्द्रको भवन मधेस प्रदेश सरकारले निर्माण गरिदिने प्रतिबद्धता व्यक्त भएको छ । मधेस प्रदेश सरकारका भौतिक विकास मन्त्री सरोज यादवले मानवसेवा आश्रम जनकपुरधाम धनुषाको भवन निर्माण मधेस प्रदेश सरकारले गर्ने प्रतिबद्धता व्यक्त गर्नु भएको हो । बुधवार सेवाकेन्द्रमा भएको अन्तरक्रिया कार्यक्रममा बोल्नु हुँदै मन्त्री यादवले आश्रमको नियमित सेवा प्रवाहमा भइरहेको समस्या समाधानका लागि समेत आफूले पहल गर्ने प्रतिबद्धता व्यक्त गर्नु भयो । उक्त अन्तरक्रियामा प्रदेश सभा सांसद तथा जसपाका प्रमुख सचेतक राम आशिष यादवले मानवसेवा आश्रमको भवन निर्माण र सेवा कार्य व्यवस्थापनका लागि मधेस प्रदेशका प्रमुख प्रतिपक्ष दल र सरकारमा रहेका दलहरू एकजुट हुनुपर्ने आवश्यकता औँल्याउनु भयो ।

471453742_3284095615055073_343127460322464206_n-1735200410.jpg
मानवसेवा आश्रम जनकपुरधाम धनुषाको सेवा सञ्चालन व्यवस्थापनमा कठिनाइ सृजना हुँदै आएको छ । यस सेवाकेन्द्रमा आश्रितको सङ्ख्या बढेसँगै आश्रमको मासिक खर्च पनि बढ्दै गएको छ । अहिले आश्रमले उक्त सेवाकेन्द्रका लागि घर भाडा मात्रै मासिक एक लाख पचास हजार तिरिरहेको छ । मानवसेवा आश्रम जनकपुरधाम उपमहानगरपालिका वार्ड नं. १२ स्थित सिक्सलेनमा निर्माणाधीन अवस्थामा रहेको छ ।

471619516_3284095541721747_5433965927258229518_n-1735200449.jpg

कार्यक्रममै मिथिला विहारी नगरपालिकाका नगरप्रमुख राजेन्द्र प्रसाद यादव र प्रमुख प्रशासकीय अधिकृत बुधवार नै मानवसेवा आश्रमका लागि रु १ लाख रुपैयाँ सहयोग हस्तान्तरण गर्नुभएको छ । स्रोत अभाव र भवन निर्माण कार्य शुभारम्भ हुन नसक्दा मानवसेवा आश्रम जनकपुरधाम धनुषा सेवाकेन्द्र बन्द गर्नुपर्ने अवस्थामा पुगिसकेको छ । जनकपुरधामस्थित आश्रममा ६० जना सहयोगापेक्षी (बेसहारा, असहाय, अशक्त, अभिभावकविहीन, मानसिक तथा शारीरिकरुपमा अति कमजोर) सडकआश्रित मानव आश्रित छन् । मानवता प्रवर्द्धनका लागि यस क्षेत्रका मनकारी र मानवतावादी उद्योगी व्यवसायी, प्रदेश सरकार र स्थानीय सरकारको ध्यान पुग्न जरुरी छ ।

471355583_597264629523285_8616796225294202360_n-1735200511.jpg
कार्यक्रममा भौतिक विकास मन्त्री सरोज यादव सहित मानवसेवा आश्रमका अभिभावकहरू र जनप्रतिनिधि लगायतको उपस्थिति रहेका थिए ।