लुम्बिनी बचत तथा ऋण सहकारी लिमिटेड द्वारा बुटवल सुखानगर शाखामा भोजन सेवा योगदान

समाज

गृहपृष्ठ
समाज

लुम्बिनी बचत तथा ऋण सहकारी लिमिटेड द्वारा बुटवल सुखानगर शाखामा भोजन सेवा योगदान

मानवसेवा संवाददाता मंगलबार, पुस ९, २०८१

लुम्बिनी बचत तथा ऋण सहकारी लिमिटेड द्वारा सहकारीको २८औं स्थापना दिवसको अवसरमा मानव सेवा आश्रम रुपन्देही बुटवल सुखानगर शाखामा बिहानको भोजन सेवा योगदान भएको छ । भोजन सेवामा संस्थाका अध्यक्ष महेश्वरप्रसाद श्रेष्ठ र उपासना महिला साकोस काठमाडौँका अध्यक्ष अमरावती महर्जन ले मानव सेवा आश्रममा भोजन सेवा योगदान गर्न पाउँदा सन्तुष्टि मिलेको बताउनु भयो । भोजन सेवा अर्पणमा सहकारीका पदाधिकारीहरूको समेत उपस्थित रहेको थियो ।

मानवसेवा आश्रम खुला आकाशमुनि सडक पेटी एवं सार्वजनिक स्थलहरूमा कष्टपूर्ण जीवनयापन गर्न विवश सहयोगापेक्षी, बेसहारा, असहाय, अशक्त, अभिभावकविहीन, शारीरिक तथा मानसिकरुपमा कमजोर मानवहरूको उद्धार, उपचार, पालनपोषण, संरक्षण एवं पारिवारिक पुनर्मिलनको सेवामा समर्पित छ । आश्रम वि.सं. २०६९ साल भाद्र १३ गते मुख्य कार्यालय मकवानपुर, हेटौँडाबाट औपचारिक रूपमा सेवा शुभारम्भ भएको हो ।

यस आश्रमले वि.सं. २०८२ सालभित्र स्वयं आफ्नो लागि आफै केही गर्न नसक्ने अवस्थामा रहेका, हेरचाह र पालनपोषण गरिदिने समेत कोही नभएका सहयोगापेक्षी (बेसहारा, असहाय, अशक्त, अभिभावकविहीन, मानसिक तथा शारीरिकरुपमा अति कमजोर) सडकआश्रित मानवमुक्त राष्ट्र नेपाल निर्माण गर्ने, घोषणा गरेको छ । घोषणा पश्चातको कार्यान्वयनलाई प्रभावकारी बनाउने संकल्प सहित हाल सात प्रदेशको १९ जिल्लामा २५ ओटा सेवा केन्द्रहरूमार्फत ७७ ओटै जिल्लाका सहयोगापेक्षी सडकआश्रित मानवहरूको उद्धार र तिनीहरूको मानवोचित व्यवस्थापन गर्दै आइरहेको छ ।

प्रकाशित मिति: मंगलबार, पुस ९, २०८१ १५:५०