लालवन्दीकी अवित्सा परियारको जन्मदिनको अवसरमा सर्लाही सेवाकेन्द्रमा भोजन सेवा

सहयोग

गृहपृष्ठ
सहयोग

लालवन्दीकी अवित्सा परियारको जन्मदिनको अवसरमा सर्लाही सेवाकेन्द्रमा भोजन सेवा

मानवसेवा संवाददाता मंगलबार, पुस ९, २०८१

मानवसेवा आश्रम सर्लाही सेवाकेन्द्रमा लालवन्दीकी अवित्सा पजियारको जन्मदिनको अवसर पारेर आश्रममा आश्रित सहयोगापेक्षी मानवहरुका लागि भोजन सेवा योगदान भएको छ । सर्लाहीका राजु पजियारले छोरीको अवित्साको जन्मदिन आश्रममा मनाउनु भएको हो । उक्त भोजन सेवामा हरिपुर नगरपालिकाका मेयर गोपाल पजियार पनि उपस्थिति हुनु भएको थियो । उहाँले आमगामी दिनमा आश्रमलाई नगरपालिकाको सहयोग रहने बताउनु भयो ।

मानवसेवा आश्रम खुला आकाशमुनि सडक पेटी एवं सार्वजनिक स्थलहरूमा कष्टपूर्ण जीवनयापन गर्न विवश सहयोगापेक्षी, बेसहारा, असहाय, अशक्त, अभिभावकविहीन, शारीरिक तथा मानसिकरुपमा कमजोर मानवहरूको उद्धार, उपचार, पालनपोषण, संरक्षण एवं पारिवारिक पुनर्मिलनको सेवामा समर्पित छ । आश्रम वि.सं. २०६९ साल भाद्र १३ गते मुख्य कार्यालय मकवानपुर, हेटौँडाबाट औपचारिक रूपमा सेवा शुभारम्भ भएको हो ।

यस आश्रमले वि.सं. २०८२ सालभित्र स्वयं आफ्नो लागि आफै केही गर्न नसक्ने अवस्थामा रहेका, हेरचाह र पालनपोषण गरिदिने समेत कोही नभएका सहयोगापेक्षी (बेसहारा, असहाय, अशक्त, अभिभावकविहीन, मानसिक तथा शारीरिकरुपमा अति कमजोर) सडकआश्रित मानवमुक्त राष्ट्र नेपाल निर्माण गर्ने, घोषणा गरेको छ । घोषणा पश्चातको कार्यान्वयनलाई प्रभावकारी बनाउने संकल्प सहित हाल सात प्रदेशको १९ जिल्लामा २५ ओटा सेवा केन्द्रहरूमार्फत ७७ ओटै जिल्लाका सहयोगापेक्षी सडकआश्रित मानवहरूको उद्धार र तिनीहरूको मानवोचित व्यवस्थापन गर्दै आइरहेको छ ।

प्रकाशित मिति: मंगलबार, पुस ९, २०८१ १४:२५

प्रतिक्रिया दिनुहोस्