मानवसेवा आश्रम शाखा कार्यालय लमजुङले बुधवार एक सहयोगापेक्षी सडकआश्रित महिलाको उद्धार गरेको छ । बेसिशहर नगरपालिका –७ मनाङेचौताराबाट सामाजिक विकास कार्यालय लमजुङका प्रमुख, बेसिशहर नगरपालिकाका प्रतिनिधि र जिल्ला प्रहरी कार्यालय लमजुङको सहयोगमा शाखा कार्यालय लमजुङले अन्दाजी ६० वर्ष कालीमाया बिक नाम बताउने महिलाको उद्धार गरिएको हो । मानसिक सन्तुलन गुमाई बेवारिसे अवस्थामा रहेका उहाँलाई आश्रमका लमजुङ सेवाकेन्द्रमा आश्रय दिइएको छ ।
मानवसेवा आश्रम खुला आकाशमुनि सडक पेटी एवं सार्वजनिक स्थलहरूमा कष्टपूर्ण जीवनयापन गर्न विवश सहयोगापेक्षी, बेसहारा, असहाय, अशक्त, अभिभावकविहीन, शारीरिक तथा मानसिकरुपमा कमजोर मानवहरूको उद्धार, उपचार, पालनपोषण, संरक्षण एवं पारिवारिक पुनर्मिलनको सेवामा समर्पित छ । आश्रम वि.सं. २०६९ साल भाद्र १३ गते मुख्य कार्यालय मकवानपुर, हेटौँडाबाट औपचारिक रूपमा सेवा शुभारम्भ भएको हो ।
आश्रमले वि.सं. २०८२ सालभित्र स्वयं आफ्नो लागि आफै केही गर्न नसक्ने अवस्थामा रहेका, हेरचाह र पालनपोषण गरिदिने समेत कोही नभएका सहयोगापेक्षी (बेसहारा, असहाय, अशक्त, अभिभावकविहीन, मानसिक तथा शारीरिकरुपमा अति कमजोर) सडकआश्रित मानवमुक्त राष्ट्र नेपाल निर्माण गर्ने, घोषणा गरेको छ ।
घोषणा पश्चातको कार्यान्वयनलाई प्रभावकारी बनाउने सङ्कल्प सहित हाल सात प्रदेशको १९ जिल्लामा २५ ओटा सेवा केन्द्रहरूमार्फत ७७ ओटै जिल्लाका सहयोगापेक्षी सडकआश्रित मानवहरूको उद्धार र तिनीहरूको मानवोचित व्यवस्थापन गर्दै आइरहेको छ ।
-1733467692.jpg)
