१३ कार्त्तिक, कोहलपुर । मेची–महाकाली राष्ट्रिय उद्धार यात्राको १६ औँ दिन मंगलबार बाँके जिल्लामा ५ जनाको उद्धार भएको छ ।
‘यो पटकको चाडपर्वमा कसैले बस्न नपरोस् सडकपेटीमा’ भन्ने भावनासहित मानवसेवा आश्रम र आनी छोइङ डोल्मा फाउन्डेसनको संयुक्त आयोजनामा राष्ट्रिय उद्धार यात्रा सुरुको भएको हो ।
राष्ट्रिय उद्धार यात्राका क्रममा मंगलबार बाँके जिल्लाका विभिन्न स्थानीय पालिकाहरुबाट ५ जनाको उद्धार भएको छ । जसमध्ये नेपालगञ्ज उपमहानगरपालिका– १८ बाट २ जना, कोहलपुर नगरपालिका–११ बाट १ जना, जानकी गाउँपालिका–६ बाट १ जना र बैजनाथ गाउँपालिका–१ बाट १ जनाको उद्धार गरिएको हो ।
असोज २८ गतेबाट झापाको मेचीनगरदेखि सुरु भएको यात्रा मंगलबार बाँके आइपुग्दासम्म १३९ जना सडकआश्रित मानवहरुको उद्धार गरिएको मानवसेवा आश्रमका संस्थापक अध्यक्ष रामजी अधिकारीज्यूले बताउनुभएको छ ।
मंगलबारबार विभिन्न स्थानबाट उद्धार हुनुभएका ५ जनालाई मानवसेवा आश्रम सुर्खेतको वीरेन्द्रनगर सेवाकेन्द्रमा गृहप्रवेश गराइएको छ । उद्धार टोलीले मंगलबार नेपालगञ्ज र कोहलपुर क्षेत्र वरपरका सडकसेवा सम्पन्न गरि यात्रीहरु मंगलबार बेलुका नै सुर्खेत आइपुगेका छन् ।
साथै बुधबार उद्धार टोली सुर्खेत बजार क्षेत्रका सार्वजनिक तथा सडकपेटीमा बेवारिसे अवस्थामा रहनुभएका सडकआश्रित मानवहरुको उद्धार सेवा खटिने कार्यक्रम रहेको छ ।
उद्धार यात्रामा वरिष्ठ गायिका तथा समाजसेवी आनी छोइङ डोल्माज्यू र मानवसेवा आश्रमका अध्यक्ष रामजी
अधिकारीज्यूसहित ४७ जना यात्रीहरूको सहभागिता रहेको छ ।
-1733467692.jpg)
