हेटाैँडा । मानवसेवा आश्रम मुख्य कार्यालय हेटाैँडाकाे क्षमता विकास एवं अक्षयकोष श्रीवृद्धि गर्ने उद्देश्यले भाेलिदेखि शुभारम्भ हुने महायज्ञकाे तयारी पूरा भएकाे छ । महायज्ञबारे जानकारी दिन शुक्रबार पत्रकार सम्मेलनकाे आयोजना समेत गरिकाे थियाे ।
भाेलि बिहान ७ः३० बजे कुष्माण्ड सरोवर त्रिवेणी धामबाट बाजागाजा, सांस्कृतिक झाँकीसहित विशाल शोभा कलश यात्राबाट सुरू हुनेछ । महायज्ञमा १८ गतेदेखि प्रत्येक दिन भागवत भाष्कर कमलनयन गौतमकाे मुखारबिन्दुबाट सङ्गगीतमय कथा वाचन हुनेछ ।
भाेलि (आइतबार) बिहान ९ बजे बागमती प्रदेशका मुख्यमन्त्री बहादुर सिंह लामाले महायज्ञकाे समुद्घाटन गर्नुहुने कार्यक्रम तय भएकाे छ ।
साथै सहयोगापेक्षी सडकआश्रित मानवमुक्त बागमती प्रदेश निर्माण, घोषणा र घोषणा पश्चातको पूर्ण कार्यान्वयनको आधार तयार गर्न र वि.स २०८२ सालभित्र सहयोगापेक्षी सडकआश्रित मानवमुक्त राष्ट्र नेपाल निर्माणको संकल्पलाई पूरा गर्न महायज्ञकाे आयाेजना गर्न लागिएकाे आश्रमले जनाएकाे छ ।
आश्रमकाे मासिक झण्डै ३० लाख रुपैयाँ खर्च हुने भएकाले हुँदा अक्षयकोष श्रीवृद्धिका लागि महायज्ञ आयाेजना गर्न लागिएकाे हाे भने महायज्ञबाट १० कराेड रूपैयाँ संंकलन गरिने लक्ष्य रहेकाे मूल आयाेजक समितिका संयाेजक बद्रीनाथ शर्माले जानकारी दिनुभयाे ।
महायज्ञमा कथा वाचनसँगै चैत्र १८ गतेदेखि २४ गतेसम्म प्रत्येक दिन बिहान ५ बजेदेखि ७ बजेसम्म निःशुल्क वृहत् योग शिविर सञ्चालन हुनेछ । त्यस्तै ८ बजेदेखि १० बजेसम्म मकवानपुर जिल्लाका क्षेत्रमा रहेका सबै सामुदायिक एवं संस्थागत विद्यालयका कक्षा १०, ११ र १२ सँगै कलेजका युवा विद्यार्थीहरूमाझ मनको व्यवस्थापन, सकारात्मक सोच, मानवता प्रवर्द्धनका कार्यक्रमहरू सञ्चालन हुने यज्ञ मूल आयाेजक समितिले जनाएकाे छ ।
घरभाडा लिएर सेवा शुभारम्भ गरेको मानवसेवा आश्रम हेटौँडा-९ लामसुरेधापका सबै मकवानपुर जिल्लाबसीहरुको मुठ्ठीदानको सहयोग र तीनै तहका सरकारहरूको आंशिक सहयोगबाट भवन निर्माण भई भाडाको घरबाट आफ्नै भवनमा सेवा सञ्चालन भईरहेको छ । मानवसेवा आश्रमले मकवानपुरको हेटौँडाबाट सहयोगापेक्षी सडकआश्रित मानवमुक्त राष्ट्र नेपाल निर्माण गर्ने अभिष्ट राखी वि.स. २०६९ साल भाद्र १३ देखि सेवा शुभारम्भ गरेको हाे ।
साथै महायज्ञमा सहभागी हुँदै आफ्नाे गक्ष अनुसारकाे दान गरी मानवीय सेवामा सहयाग गरिदिन हुन आश्रमले सम्पूर्ण मनकारी दाताहरूलाई आग्रह गरेकाे छ । मुख्य कार्यालय हेटौँडा-९ लामसुरेधापमा भाेलिदेखि सुरू हुने महायज्ञ चैत २४ गतेसम्म सञ्चालन हुनेछ ।
-1733467692.jpg)
