हेटाैँडा । मानवसेवा आश्रमले आयाेजना गर्न लागेकाे महायज्ञकाे प्रचारप्रसार तीव्र रूपमा अगाडि बढिरहेकाे छ ।
शुक्रबार आश्रमका अभियान्ता तथा आश्रमका अभिभावकहरूले हेटाैँडा बजारक्षेत्रकाे परिक्रमा गरी प्रचारप्रसार गरेका हुन् । साथै महायज्ञकाे लागि निमन्त्रणा बाड्दै महायज्ञमा सहभागी हुन आग्रह समेत गरेका छन् । मानवसेवा आश्रमले मुख्य कार्यालय हेटाैँडाकाे क्षमता विकास एवं अक्षयकोष श्रीवृद्धि गर्न महायज्ञ आयाेजना गर्न लागेकाे आश्रमले जनाएकाे छ ।
आश्रमले महायज्ञकाे लागि मकवानपुर क्षेत्रमा रहेका सरकारी कार्यालय, बैंकवित्तीय संस्था, विभिन्न संघसंस्था, वाणिज्य संघ, फलफूल तथा तरकारी व्यवसायी संघ, टाेल विकास संस्था, आमा समूह, विद्यालय लगायतलाई निमन्त्रणा बाड्ने कार्य सम्पन्न गरिसकेकाे छ ।
सहयोगापेक्षी सडकआश्रित मानवमुक्त बागमती प्रदेश निर्माण, घोषणा र घोषणा पश्चातको पूर्ण कार्यान्वयनको आधार तयार गर्न र वि.स २०८२ सालभित्र सहयोगापेक्षी सडकआश्रित मानवमुक्त राष्ट्र नेपाल निर्माणको संकल्पलाई पूरा गर्न समेत महायज्ञकाे आयाेजना गर्न लागिएकाे हाे ।
महायज्ञमा कथा वाचनसँगै चैत्र १८ गतेदेखि २४ गतेसम्म प्रत्येक दिन बिहान ५ बजेदेखि ७ बजेसम्म निःशुल्क वृहत् योग शिविर सञ्चालन हुनेछ । त्यस्तै ८ बजेदेखि १० बजेसम्म मकवानपुर जिल्लाका क्षेत्रमा रहेका सबै सामुदायिक एवं संस्थागत विद्यालयका कक्षा १०, ११ र १२ सँगै कलेजका युवा विद्यार्थीहरूमाझ मनको व्यवस्थापन, सकारात्मक सोच, मानवता प्रवर्द्धनका कार्यक्रमहरू सञ्चालन हुने यज्ञ मूल आयाेजक समितिले जनाएकाे छ ।
भागवत भाष्कर कमलनयन गौतम ज्यूले कथावाचन गर्नुहुने महायज्ञ मानवसेवा आश्रम मुख्य कार्यालयकाे प्राङ्गणमा चैत्र १७ गतेदेखि २४ गतेसम्म सञ्चालन हुनेछ ।
मानवसेवा आश्रमले मकवानपुरको हेटौँडाबाट सहयोगापेक्षी सडकआश्रित मानवमुक्त राष्ट्र नेपाल निर्माण गर्ने अभिष्ट राखी वि.स. २०६९ साल भाद्र १३ देखि सेवा शुभारम्भ गरेको हाे । हेटौँडाबाट सेवा शुभारम्भ गरेको आश्रमले हालसम्म सात प्रदेशको २० जिल्लामा २६ वटा सेवाकेन्द्रहरु बिस्तार गरी ७७ जिल्लामा रहेका सहयोगापेक्षी मानवहरूको उद्धार गरी सेवा प्रदान गरिरहेको छ ।
-1733467692.jpg)
