हेटाैँडा । मानवसेवा आश्रम मुख्य कार्यालय हेटाैँडामा महायज्ञबारे जानकारी दिन शुक्रबार पत्रकार सम्मेलनकाे आयोजना गरिएको छ । मानवसेवा आश्रम मुख्य कार्यालयकाे क्षमता अभिवृद्धि एवं अक्षयकोष श्रीवृद्धि गर्ने उद्देश्यले यही चैत्र १७ गतेदेखि २४ गतेसम्म श्रीमद् भागवत सप्ताह ज्ञानविज्ञान महायज्ञ सञ्चालन हुने भएकाे छ ।
-1743157351.jpeg)
महायज्ञ हेटाैँडा-९ लामसुरेधापमा रहेकाे मानवसेवा आश्रम मुख्य कार्यालयकाे प्राङ्गणमा चैत्र १७ गतेदेखि २४ गतेसम्म सञ्चालन हुनेछ । चैत्र १७ गते बिहान ७ः३० बजे कुष्माण्ड सरोवर त्रिवेणी धामबाट बाजागाजा, सांस्कृतिक झाँकीसहित विशाल शोभा कलश यात्राबाट सुरू हुनेछ । साेही दिन बिहान ९ बजे बागमती प्रदेशका मुख्यमन्त्री बहादुर सिंह लामाले महायज्ञकाे समुद्घाटन गर्ने कार्यक्रम रहेकाे छ ।
महायज्ञमा १८ गतेदेखि प्रत्येक दिन भागवत भाष्कर कमलनयन गौतमकाे मुखारबिन्दुबाट सङ्गगीतमय कथा वाचन हुने कार्यक्रम रहेकाे छ ।
सहयोगापेक्षी सडकआश्रित मानवमुक्त बागमती प्रदेश निर्माण, घोषणा र घोषणा पश्चातको पूर्ण कार्यान्वयनको आधार तयार गर्न र वि.स २०८२ सालभित्र सहयोगापेक्षी सडकआश्रित मानवमुक्त राष्ट्र नेपाल निर्माणको संकल्पलाई पूरा गर्न महायज्ञकाे आयाेजना गर्न लागिएकाे हाे ।
आश्रमकाे संरक्षणमा रहेका मानिसहरूकाे औषधि,उपचार शिक्षा,दिक्षाको लागि मासिक झण्डै ३० लाख रुपैयाँ खर्च हुने भएकाले एक नियमित स्राेत चाहिने हुँदा आश्रमकाे अक्षयकोष श्रीवृद्धि गर्ने हेतुले महायज्ञ आयाेजना गर्न लागिएकाे आश्रमका संस्थापक केन्द्रीय अध्यक्ष रामजी अधिकारीले बताउनुभयाे ।
महायज्ञमा कथा वाचनसँगै चैत्र १८ गतेदेखि २४ गतेसम्म प्रत्येक दिन बिहान ५ बजेदेखि ७ बजेसम्म निःशुल्क वृहत् योग शिविर सञ्चालन हुनेछ । त्यस्तै ८ बजेदेखि १० बजेसम्म मकवानपुर जिल्लाका क्षेत्रमा रहेका सबै सामुदायिक एवं संस्थागत विद्यालयका कक्षा १०, ११ र १२ सँगै कलेजका युवा विद्यार्थीहरूमाझ मनको व्यवस्थापन, सकारात्मक सोच, मानवता प्रवर्द्धनका कार्यक्रमहरू सञ्चालन हुने यज्ञ मूल आयाेजक समितिले जनाएकाे छ ।
मानवसेवा आश्रमले मकवानपुरको हेटौँडाबाट सहयोगापेक्षी सडकआश्रित मानवमुक्त राष्ट्र नेपाल निर्माण गर्ने अभिष्ट राखी वि.स. २०६९ साल भाद्र १३ देखि सेवा शुभारम्भ गरेको हाे । हेटौँडाबाट सेवा शुभारम्भ गरेको आश्रमले हालसम्म सात प्रदेशको २० जिल्लामा २६ वटा सेवाकेन्द्रहरु बिस्तार गरी ७७ जिल्लामा रहेका सहयोगापेक्षी मानवहरूको उद्धार गरी सेवा प्रदान गरिरहेको छ ।
घरभाडा लिएर सेवा शुभारम्भ गरेको मानवसेवा आश्रम हेटौँडा-९ लामसुरेधापका सबै मकवानपुर जिल्लाबसीहरुको मुठ्ठीदानको सहयोग र तीनै तहका सरकारहरूको आंशिक सहयोगबाट भवन निर्माण भई भाडाको घरबाट आफ्नै भवनमा सेवा सञ्चालन भईरहेको छ । मानवसेवा आश्रम मुख्य कार्यालयले हालसम्म १८०२ जना उद्धार गरिसकेकाे छ भने हाल २४१ जना आश्रमकाे संरक्षणमा रहेका छन् । मुख्य कार्यालय हेटौँडाले ९२६ जनाको पारिवारिक पुनर्मिलन समेत गरिसकेको छ ।
-1733467692.jpg)
