झापा सेवाकेन्द्रकाे अक्षयकोष निर्माणका लागि नीलकण्ठ तिवारीद्वारा आर्थिक सहयाेग

उद्धार

गृहपृष्ठ
उद्धार

झापा सेवाकेन्द्रकाे अक्षयकोष निर्माणका लागि नीलकण्ठ तिवारीद्वारा आर्थिक सहयाेग

मानवसेवा संवाददाता बिहीबार, चैत १४, २०८१

झापा । मानवसेवा आश्रम झापा सेवाकेन्द्रलाई अक्षयकोष स्थापनाका लागि आर्थिक सहयाेग प्राप्त भएकाे छ ।

सेवाकेन्द्रलाई बिहीबार मेचीनगर-४ शान्तिटोल निवासी समाजसेवी नीलकण्ठ तिवारीले आफ्ना स्वर्गीय बुवा धनपति तिवारी र स्वर्गीय आमा हरिमाया तिवारीकाे पुण्यतिथिको सम्झनामा अक्षयकोष निर्माण लागि १ लाख ११ हजार १ सय ११ रुपैयाँ सहयाेग गर्नुभएकाे हाे । झापा सेवाकेन्द्रकाे संरक्षणमा रहनुभएका मानिसहरूकाे सेवा व्यवस्थापनमा सहजता प्रदान हाेस भन्ने उद्देश्यले सहयाेग गरेकाे तिवारीले जानकारी दिनुभयाे ।

कार्यक्रममा मेचीनगर नगरपालिका-४ का वडाध्यक्ष अजुर्न कार्की,वडा-४ का वडा सदस्य गीता लुङ्गेली मगर, मेचीनगर नगरपालिका-४ का एमाले पार्टी अध्यक्ष तीर्थराज नेपाल, मनकामना टोल विकास संस्थाका अध्यक्ष सुवर्ण खड्का, पवन बराइँलीकाे लगायतकाे उपस्थिति रहेकाे थियाे ।

मानवसेवा आश्रमले खुला सडकपेटी एवम् सार्वजनिक स्थलहरूमा कष्टपूर्ण जीवनयापन गर्न विवश सहयोगापेक्षी, बेसहारा, असहाय, अशक्त, अभिभावकविहीन, शारीरिक तथा मानसिकरुपमा कमजोर मानवहरूको उद्धार, उपचार, पालनपोषण, संरक्षण एवं पारिवारिक पुनर्मिलनको गराउँदै आएको छ ।

प्रकाशित मिति: बिहीबार, चैत १४, २०८१ १३:३५

प्रतिक्रिया दिनुहोस्